ભારતની પ્રથમ ડિજિટલ અરેસ્ટ પર આધારિત ફિલ્મ આવી રહી છે
ગુજરાતી સિનેમા જ્યાં દ્રઢ અને સમયોચિત વાર્તાઓ દ્વારા નવી હદો ઓળંગી રહ્યું છે, ત્યાં ફિલ્મમેકર અનિશ શાહ ‘ધરપકડ’સાથે આગળની કતારમાં ઉભા છે – જે ભારતની ડિજિટલ અરેસ્ટ જેવા ઉદ્ભવતા અને ચિંતાજનક વિષય પર આધારિત પ્રથમ ફિલ્મ છે।
‘ધૂનકી’અને ‘ઉડન છૂ’ના નિર્માતાઓ તરફથી આવી રહેલી આ ફિલ્મ અનોખી વાર્તા કહાનીની પરંપરાને આગળ ધપાવતી સાથે એક દ્રઢ અને આધુનિક વિષયમાં પ્રવેશ કરે છે। ઇંદિરા મોશન પિક્ચર્સ અને નવેમ્બર ફિલ્મ્સ દ્વારા નિર્મિત આ ફિલ્મ 15 મે, 2026ના રોજ થિયેટરમાં રિલીઝ થવાની છે અને દેશભરમાં ધીમે ધીમે લોકોના જીવનમાં પ્રવેશી રહેલા એક ભયજનક વાસ્તવિકતાને મોટા પડદા પર લાવવાનું વચન આપે છે।
માનવીય સંબંધોની ઊંડી સમજણ માટે જાણીતા અનિશે સતત એવી વાર્તાઓ રજૂ કરી છે, જે સુસંગત પણ છે અને ભાવનાત્મક ઊંડાણ ધરાવે છે. પ્રતિક ગાંધી અને દીક્ષા જોશી અભિનીત “ધૂનકી” માં મિત્રતા અને પ્રેમની ઉષ્મા તથા જટિલતાઓ દર્શાવવાથી લઈને ‘ઉડન છૂ’માં સંબંધોને પરિપક્વ અને સંવેદનશીલ દ્રષ્ટિકોણથી રજૂ કરવા સુધી, તેમનું કામ માનવીય લાગણીઓની ઊંડી સમજ દર્શાવે છે.
આ રોમાંચક વાર્તાના કેન્દ્રમાં છે મલ્હાર ઠાકર અને શ્રુહદ ગોસ્વામીની બહુ પ્રતીક્ષિત જોડી, જે પહેલીવાર સ્ક્રીન પર સાથે જોવા મળશે. મલ્હાર, જે હાલમાં ‘ઓલ ધ બેસ્ટ પંડ્યા’, ‘વેનિલા આઈસક્રીમ’અને ‘જય માતાજી – લેટ્સ રૉક’ જેવી સતત હિટ ફિલ્મો સાથે ગુજરાતીના સૌથી મોટા સ્ટાર તરીકે ઉભર્યા છે, તેઓ હવે ‘ધરપકડ’ માં વધુ ગંભીર અને તીવ્ર અવતારમાં જોવા મળશે.
ફિલ્મ ‘ધરપકડ’ દ્વારા અનિશ શાહ માત્ર પોતાના સ્ટોરીટેલર તરીકેના અવાજને જ વધુ મજબૂત નથી બનાવતા, પરંતુ એક એવા ફિલ્મમેકર તરીકે પણ ઉભરી રહ્યા છે, જે આધુનિક અને સામાજિક રીતે મહત્વપૂર્ણ વિષયો પર નિર્ભયતાથી કામ કરે છે – અને દેશભરમાં ઝડપથી વાસ્તવિકતા બની રહેલા સાયબર ખતરાને મોટા પડદા પર લઈ આવે છે.
